1. Salila ngilu kadinya
Teangan noda padati
Salila hirup di dunya
Teangan elmu pangarti
2. Najan kuring panen gedang
Moal poho ka paraji
Najan raga urang paanggang
Tapi ari mah ngahiji
3. Mun pareng hiber japati
Sok ngumpul katebak angin
Duh jungjunan nu saati
Iraha rek tuker cingcin
4. Samping kagetahan dukuh
Dikelab dikacalkeun
Nu matak urang sing kukuh
Papatah guru turutkeun
5. Sing getol nginum jajamu
Nu guna nguatkeun urat
Sing getol neangan elmu
Nu guna dunya aherat
6. Mun arek neng paraji
Geus pasti rek ngalahirkeun
Mun peuting kabawa mimpi
Mun beurang sok ka gundamkeun
7. Manuk sapu manuk haur
Anakna keur dipakanan
Lamun hayang loba batur
Ulah harak barangasan
8. Manuk sapu manuk haur
Anakna keur dipakanan
Lamun hayang loba batur
Sing daek silih eledan
9. Samemeh indit ka talaga
Ka warung heula rek jajan
Jadi budak ulah sok balaga
Bisi eweuh nu ngabaturan
10. Semar mesem asak jingga
Cepot nenggel gatot kaca
Lamun anjeun hayang bagja
Getol shalat akhlak mulia
Tidak ada komentar:
Posting Komentar